傲游瀏覽器（Maxthon）係本世紀以來新出嘅一款網頁瀏覽器。響中國大陸興起，一時摞到好多擁躉。一向以多功能又好用聞名，而家下載量差唔多過咗一億。
傲游個前身係MyIE。係由一個網名叫「暢游(Changyou)」嘅華人始創嘅，本來想補救吓啲IE嘅弊端。過咗唔到兩年，「Changyou」將啲代碼統統公之于眾，冇時間再理到渠。2002年8月，陳明杰先生繼承其志，查番曬啲漏洞，更變求革新，奮發圖強，推出咗MyIE2版。網上好多發燒友睇到都幫渠手搞。2004年，改埋個名叫「傲游」。又得到大把人出謀劃策，又有 VC 商家投咗資，人氣壯咗起身。2005年重摞到國際頒獎添。2006年1月，響微軟個「電子消費展」入圍去到拉斯維加斯展出，令人刮目相看。5月，間公司就搬咗去中關村棟新樓度啦。
2007年4月，傳聞Google注資咗百萬落「傲游」度，不過陳生就一味否認有呢單生意。
由于Maxthon個英文名發音係 [`mækst∂n]。所以有北方用戶幫渠起咗個花名叫「馬屎桶」。而家最新版係2.0版。

記錄
傲游瀏覽器響中國市場嘅佔有率一直高到好交關，僅係低過微軟 IE。渠一直被人譽為「中國嘅瀏覽器」，Maxthon創始人 Jeff Chen 自稱渠係中國嘅「國產軟體」。不過始終有人以為呢款瀏覽器有幫中共手監視啲網民嘅網上行為個嫌疑，不過懷疑還懷疑，一直以來都無搵到一絲真憑實據。