八達通(Octopus)係香港通用嘅電子收費系統。晶片內置響信用卡大小嘅塑膠卡片，幫卡片增值後放響接收器上就即刻可以完成付款過程。八達通響1997年9月1號開始用，初頭只係用響巴士、鐵路等等嘅公共交通工具上，後尾陸續擴展到其他行業，包括鋪頭、食店、停車場等業務，亦都用響學校、寫字樓同埋住宅嘅通行卡。增值嘅方法亦由初頭嘅增值機，擴展到鋪頭收銀處同埋用信用卡、銀行">銀行戶口自動轉賬。
八達通係全世界最早亦都係最成功嘅電子貨幣之一，普及程度亦係全世界最高。直到2005年，香港總共流通1240萬張八達通卡，每日交易宗數超過800萬。八達通卡公司用呢個經驗嚟攞到荷蘭同埋中國長沙發展電子收費系統嘅合約，亦計劃第日同深圳地鐵嘅深圳通互相通用。