音樂">音樂上，全音符係一個空心卵形嘅音符。響四拍四音樂來講，佢長度就佔四拍。其他音符都係平分佢嘅音長。例如二分音符，就係將佢音長一半。四分音符就分佢做四份，音長係佢四分一。而二全音符就係佢兩倍。
而同佢等長嘅休止符，就叫做全休止符，個樣就係黑色長方格，吊響樂譜上面數起第二條綫度。佢無聲嘅長度同全音符一樣。全休止符有時會畀當做全小節嘅休止符，例如五拍四嗰陣，代表成個五拍小節無聲。但係後面跟住其他音符嘅話，就去返佢原本四拍。
英文寫法有whole note同semibreve。