PayPal係一間互聯網服務網站，畀人喺網上畀錢同埋將錢存去遞度，取代一部份寄支票或者匯款呢尐傳統方法。PayPal 同一尐網站合作，等尐客買嘢直接通過 PayPal 畀錢，唔駛吓吓用信用咭或匯錢，用 PayPal 畀錢時，PayPal 收番手續費。
PayPal 總部喺美國加利福尼亞州聖荷西市，喺1998年12月由 Peter Thiel 同 Max Levchin 搞出嚟。後之，喺2000年起擴充，包括喺其他國家，加埋美金以外嘅貨幣，英鎊、加紙、歐元、澳元、日圓。
2002年10月，全球最大拍賣網站 eBay 用 15 億美金收購 PayPal，成為 eBay 嘅主要畀錢嘅方法之一。2007年5月喺盧森堡攞倒銀行拉臣（banking license）[1]。