口，又叫嘴，係動物用來食嘢、飲嘢嘅開口。一般嚟講，嘴係生喺個頭度，鼻嘅下面。
口裡面有條用嚟感測味覺、講嘢用、幫吞嘢嘅脷；有上下兩排嘅牙齒，用嚟𡁻爛啲嘢食，係有啲動物嘅武器。
口亦會唔停咁分泌口水，令到入口嘅食物得到初步嘅濕潤，可以容易啲咬爛同消化。而當好肚餓嘅時候突然見到好味嘅嘢食，口水量一定會即時增多，嚟預備迎接美食嘅進入。