水鼠耳蝠（Myotis daubentonii）係一種廣泛分佈歐亞大陸嘅一種鼠耳蝠。佢嘅英文名「Daubenton」係嚟自法國一位自然學家Louis-Jean-Marie Daubenton。

特徵
水鼠耳蝠廣泛分佈歐亞大陸：歐洲記錄有英國，愛爾蘭。亞洲記錄有南韓，日本，中國同越南等地。鍾意住響樹洞，引水道同礦坑。一般獨居，但有時會 3、4 隻群埋一齊。

生活習性
同好多蝙蝠一樣，水鼠耳蝠夜晚時會利用動物回聲定位搵獵物。佢哋會用依種方法劃出一幅「聲納圖」，所發出嘅頻率大約 32 至 85 kHz， 一般嘅叫聲以 45 到 50 kHz 為頂，有 3.3 ms 咁耐。
佢哋主要喺食蟲性，以烏鷹，蜉蝣等昆蟲等食。但亦有捕捉魚毛嘅記錄。佢哋會用腳捉住游往水面嘅魚毛，而且可以一邊飛一邊食嘢。外國研究顯示，一隻7克重嘅水鼠耳蝠經過一個鐘頭搵食後，體重可增加至11克，相當於本身體重嘅57%。