譚香文（TAM Heung-man；1957年6月8號—），香港出世，執業會計師，香港立法會（功能組別會計界）議員，黃大仙區議員。佢係香港公民黨同立法會泛民主派嘅一員。後來到英國修讀稅務學同會計學大學課程。
2003年11月23日，佢以鑽石山私人屋苑「星河明居」業主委員會嘅身份，贏咗黃大仙區議會議席。
2004年9月12日，喺泛民主派支持下，佢再喺功能組別會計界以相差37票之微當選立法會議員，打敗咗龔耀輝同陳茂波。
2007年2月2日，佢喺搭地鐵期間，不滿隔離嘅青年用手提電話講粗口，憤而報警求助。

屋企
譚香文祖籍廣東順德，而佢係香港出世。出世時佢喺九龍何文田木屋區（取名「香文」寓意「香港何文田」），之後佢屋企搬到九龍黃大仙東頭邨七層大廈，亦喺嗰度大。