嬴政（公元前260年11月/12月 – 公元前210年9月10日）係中國歷史上第一個皇帝 。公元前247年，佢承繼秦國嬴子楚嘅王位，做咗秦王。喺佢統治之下，佢開始咗滅周同戰國時代其他六國嘅大計。最後響公元前221年，佢完成呢個計劃，重封咗自己做始皇帝，寓意「功蓋三王，德過五帝」。之後佢繼續南征百越，北征匈奴嘅大計。到咗公元前210年，佢就不明不白咁死咗，由兒子嬴胡亥繼位，史稱「秦二世」。有傳佢食太多丹藥，中水銀毒而死。有啲後世人叫佢秦始皇，或者秦始皇帝。