番係一個麻雀術語，日本叫做「役」，台灣叫「台」，係一種蔴雀嘅計分，根據所食出嘅餬牌去計算你贏咗幾多。
番數根據餬牌難度而決定，難度越高，所得番數就越高，但係無一個權威嘅標準，多數番數嘅計法都係根據約定成俗而嚟，而唔同嘅打麻雀方法亦有唔同嘅番數計法，廣東麻雀、台灣麻雀、日本麻雀、另外重有中國國標競技麻雀，各自都有一套番數計法，日本以「役種」稱呼呢種分類，唔同嘅番數計法就成為咗每一種蔴雀嘅特式。
不過亦有幾種共通嘅番，好似：大三元、小三元、清一色，重有一啲相似但有小小唔同嘅番，好似十三么，喺日本就叫國士無雙。